Зохиолч: Английн зохиолч Ноэл Коуард
Орчуулсан: Н.Ганхуяг
Ерөнхий найруулагч: Б.Баатар
Хөдөлгөөний найруулагч: Г.Ган-Очир
Тайзны зураач: Т.Ганхуяг
Гол дүрүүдэд: Амандад Уранчимэг, Элиотод Э.Гантулга, Сибиллад Д.Ганцэцэг, Викторт Э.Мөнх-Од
Зочид буудлын өрөөнд нэгэн бүсг үй дурлалт залуугаа дуудна. Элиот!, Элиот!, Эээээлиоооот! Энэ мөчид зэргэлдээх өрөөнд бас нэгэн залуу Амааандааа! хэмээн хайртыгаа дуу хадаан хайна. Нэгэн зэрэг, хөрш өрөөний, эрэгтэй эмэгтэй хоёр алга болсон нь тун хачирхалтай. Оргосон хоёрыг хайсаар Виктор, Сибилла хоёр тагтан дээр тааралдаж, бас тэврэлдэн, хамтдаа хундага юм уухаар тохирно. Тэд ч бас зүгээргүй харилцаатай гэлтэй. “Хувьсал” продакшны энэ хаврын анхны бүтээл “Хайр” жүжгийн хоёрдугаар үзэгдэл ийн өндөрлөв. Тэднийг бүжиглэх хооронд тайз солигдов. Гэхдээ тайзны гэрэл унтарч, арын албаныхан харанхуйд бүдчин эд хэрэгслийг сольж зөөдөг ээлжит дүр зураг энд үзэгдсэнгүй. Учир юу гэвэл арын албаныхан ч гэсэн жүжигт чухал үүрэг гүйцэтгэн, хайр дурлал, хүсэл тачааллын бэлгэдэл танго бүжгийн аянд бүжиглэн, тайзны хэрэглэлийг цаанаа л донжтой байрлуулах аж. “Жүжигчний ур чадварыг бие хэл, сэтгэхүй, үйлдлийн нэгдэл гэдэг.
Сүүлийн үеийн жүжгүүдэд хөдөлгөөний урлаг орхигдож, жүжигчид зогсож байгаад ярьдаг боллоо. Жүжигчин хүнээс гарах хөдөлгөөн үгтэйгээ, дотоод сэтгэлтэйгээ, урсаж буй нулимстайгаа, ууртайгаа яаж холбогддогийг харуулахын тулд анхаарч ажиллаж байна” хэмээн Сибиллагийн дүрд тоглож буй жүжигчин Д.Ганцэцэг ярьсан. “Зүрхэнд гэрэлтэх од”, “Мама Миа”, “Мартагдашгүй намар” зэрэг мюзикл уран сайхны киноны бүжгийг дэглэсэн, жүжигчин Г.Ган-Очир “Хайр”-ын хөдөлгөөний найруулагчаар ажиллаж байгаа юм билээ. “Та нар зах дээр бараа зөөж байгаа наймаачид биш шүү дээ, хурдан шаламгай, мэдрэмжтэй бай л даа” хэмээн тэрбээр хэрэгсэл зөөж буй залуу жүжигчдэд зандрангуй хэрнээ аргадсан янзтай зөвлөнө. Хайр жүжигт “Ган” орсон нэртэй таван хүн ажиллаж буй нь тун сонирхолтой.
Хөдөлгөөний найруулагчаар Г.Ган-Очир ажиллаж, жүжигчин Д.Ганцэцэг Сибиллад, UBS телевизийн хөтлөгч Э.Гантулга Элиотод тоглосон бол СУИС-ийн Тайз, дэлгэцийн урлагийн сургуулийн найруулагч, жүжигчний тэнхимийн эрхлэгч, урлагийн гавьяат зүтгэлтэн Н.Ганхуяг жүжгийг орчуулж, ДБЭТ-ын ерөнхий зураач Т.Ганхуяг тайзыг урлажээ. Английн нэрт зохиолч Ноэл Коуардын “Хувийн амьдрал” жүжгийг “Хайр” нэртэйгээр тавьж буй бөг өөд ирэх сарын 1-нээс 20-ныг дуустал “Тусгаар тогтнолын ордон”-д тоглох юм билээ. “Хувийн амьдрал”-ыг 1930 онд анх Эдинбургийн “King’s” театрын тайзнаа тоглосон бөгөөд зохиолч өөр өө Элиотын дүрийг бүтээжээ. Улмаар жүжиг амжилт олж Манчестер, Ливерпүүл тэргүүтэй хотуудад аялан тоглож, 1931 онд Лондоны алдарт “Бродвэй”-д тавьсан юм билээ.
Сараалжин хашаа мэт содон хэлбэртэй хана, жаргал зовлон, жаргал зовлон гэх шиг хэрсэн зураас бүхий уран зураг тайзыг чимэх аж. Ихэнх жүжгийн тайз гоё чамин өнгөтэй, хөнг өн материалаар хийгдсэн байдаг бол “Хайр”-ынх төмөр материалаар хийгдсэн болоод ч тэр үү, нэг л хүйтэн хөндий мэдрэмж төрүүлэв. Т.Ганхуяг “Хайр” бол эмэгтэй эрэгтэй хүн, эхнэр нөхр үүд ямар байдаг, юунаас болж зөрчилдд өг, тэдний дунд ямар асуудал үүсдэгийг харуулсан харилцааны жүжиг. Гол дүрийн эр, эм хоёр олон жилийн дараа эргэн нийлж байгаа. Навч эхлээд гөлөглөхдөө боргоцой шиг жижигхэн байснаа дэлбээлэн янз бүрийн гоё хэлбэртэй болдог. Дараа нь ногоорч, улаан болсноо шарлаж хатаад хорчийдог. Түүн шиг хүний амьдрал ч янз бүрээр хувирдаг учир амьд ургамал, навчаар төлөөлүүлэхийг хүссэн. Тэр сараалжилсан төмөр бол навчны судлууд.
Хүн хатуу байвал амьдрал хатуу, зөөлөн хандвал зөөлөн байна гэсэн санааг төмөр эдлэлээр илэрхийлсэн” гэв. Жүжгийн найруулагч Б.Баатар энэ өдөр эзгүй байв. Амандагийн дүрд тоглож буй гавьяат жүжигчин У.Уранчимэг түүнийг орлохын зэрэгцээ Э.Гантулгатай сайн хамтарч, өөрсдийн хэсгээ торох юмгүй тоглож байв. Элиот, Амандатай гурван жил хамтран амьдарч байгаад салж, тус тусын амьдралыг хөөжээ. Тэгээд, таван жилийн дараа бал сараараа тааралдав. Цаг хугацаа бүхнийг өөрчилдөг хүчтэй ч жинхэнэ хайрын өмнө хүчин мөхөсддөг аж. Элиот, Аманда хоёр бие биедээ үнэхээр хайртай ч хэрэлдэж муудалцах нь элбэг юм.
Завсарлагааны үеэр гавьяат жүжигчин У.Уранчимэгтэй цөөн хором ярилцлаа.
-Сайн байна уу. Амандагийн дүрийн онцлог юу вэ?
-Камерний жүжиг буюу цөөхөн дүртэй бүтээлд гол дүр илүү үүрэг гүйцэтгэдэг. Гэхдээ миний урьд нь тоглосон жүжгүүдийн ихэнх нь орчуулгынх байсан учир тоглоход дөхөм, хүндрэл багатай байна. Аманда гэгээлэг, ариун, эерэг дүр. Дүрийнхээ тухай ярих гэхээр үйл явдлыг нь хэлчих гээд байна. Ямар ч байсан жүжгийн бүх л хайрын эхлэл, бэлгэ тэмдэг нь Аманда.
-Танай продакшн 10 гаруй жүжиг тоглосон хэрнээ өөрсдийн байргүй. Тэгэхээр жүжгүүдийнхээ тайзыг дараа нь хаана хадгалдаг вэ?
-Нэг жүжигт хэрэглэснийгээ дахин ашиглах нь бүдүүлэг. Нөгөө талаар байргүй учир ДБЭТ шиг тоглосон жүжгээ дахин тавьдаггүй. Мэргэжлийн уран бүтээлийн сан гэж байхгүй, зөвхөн дүрсжүүлэн архивладаг нь харамсалтай. Тиймээс манай жүжгийг амжиж үзэхгүй бол дахин тоглох боломжгүй.
No comments:
Post a Comment