Урлаг хэмээх их айлын үүдийг татаж, тооныг нь түшиж яваа хос багана нь болон амьдралаа холбосон хүмүүс бол жүжигчин О.Бат-Өлзий, ардын жүжигчин С.Сарантуяа нар билээ. Тэдний хүү Б.Тамир ч аав, ээжийнхээ шийрийг хатаасан жүжигчин болохоор өдгөө УДЭТ-т ажиллаж буй. Тэрбээр Анх “Boom town” хамтлагаас урлагийн гараагаа эхлэн тайз дэлгэцийн нэлээд хэдэн дүр бүтээж, тэр дундаа “Би ч гэсэн жаргамаар байна” жүжгээрээ “Гэгээн муза” наадмаас Шилдэг эрэгтэй туслах дүрийн шагнал авсан юм. “Залуус” булангийн энэ удаагийн зочноор Б.Тамирыг урилаа.
-Аав, ээж тань жүжигчин учраас багаасаа урлагт дурласан уу?
-Наймдугаар ангид байхдаа жүжигчин болохоор шийд сэн. Урлагийн хүний зовлон жаргалыг сайн мэддэг болохоор аав, ээж намайг жү- жигчин болъё гэхэд эхэндээ дургүй байсан. Урлагт хайртай учраас зүтгэсээр байж жүжигчин болсон.
-Тэднээсээ шүүмж, зэмлэл хүртэнэ биз?
-Тоглох дүрээ судлахдаа ярил цаж, зөвлөгөө авдаг. Ха рин аав, ээж хоёр шүүмжилдэгг үй. Залуу хүний эр зоригийг мохоохгүй гэсэндээ хатуу үг хэлдэггүй байх гэж боддог.
-Жүжигчин бүрт бүтээхийг хүсдэг мөрөөд лийн дүр байдаг гэдэг. Таны хувьд ямар дүрд тоглохыг хүсдэг бол?
-Эрэгтэй жүжигчид бүгд л Гамлет, Ромео зэрэг дэл хийн сонгодог дүрүүдэд тоглохыг хүсдэг байх. Би ч тэдний адил. Мөн түүхэн кинонд дүр бүтээхийг хүсдэг.
-Жүжигчдийг ном зохиол их уншдаг гэдэг юм билээ. Та хэр их уншиж байна вэ?
-Би багаасаа л монгол хэл, уран зохиолын хичээлд дуртай байсан. Номонд хорхойтой. Багадаа “Монте Кристо гүн” зохиолыг уншиж байсан. Саяхнаас дахин уншиж эхэлсэн.
-СУИС-ийн оюутнууд бэлтгэл хийж, сургууль дээрээ өнжих нь элбэг. Оюутан насны гэгээн дурсамжаасаа хуваалцахгүй юу?
-Хүний амьдралд олон зүйл тохиолддог. Тэр дундаа хамгийн цагаахан нь оюутан цагийн дурсамж. Жүжигчин хүн дүр дээрээ сайн ажиллаж, хамтран тоглох хүнтэйгээ ойлголцох хэрэгтэй. Бид сургууль дээрээ бэлтгэл их хийдэг. Нэг удаа бэлтгэлээ хийгээд олон хоног гэртээ хариагүй. Сургууль дээрээ унтаж байтал нэг хүн хөл рүү өшиглөөд болдоггүй. Сэрээд хартал нэг л танил царай. Ахиулаад хартал аав ирчихсэн “Чи одоо хариач ээ бөөстлөө ш дээ” гэсээр хоол барьчихсан инээгээд зогсож байсан. Манай ангийнхан сандарсандаа “түргэн авч” зохиолоо бэлдэж эхэлсэн.
-Жүжигчдийн хүүхэд гэдэг утгаар сургуулийнхны тань хандлага өөр байдаг уу?
-Багш нар “Аав, ээж чинь тийм мундаг жүжигчин байхад, чи ийм ч байх гэж дээ” хэмээн шар хөдөлгөж, хурцалдаг байсан. Харин үеийнхэн тамын тогооны үлгэр шиг шивэр авир ярьдаг л байлаа. Би ч барагтай бол тоодоггүй. Урлагт арын хаалга байхгүй гэдэг үнэн. Дүрээ хэрхэн амилуулж байгаагаас л илт харагдана. Хэрвээ би арын хаалгадсан бол гол дүр бүтээгээд л явж байх байсан шүү дээ. Миний хийж байгаа зүйлс, бүтээх дүр энэ бүхэнд хариулт өгөх байх.
-Хүн болгон амьдралынхаа гол дүр. Тэгвэл та өөрийнхөө амьдралд ямар дүр бүтээж байна вэ?
-Жаахан хүүхдүүд юунаас ч айлгүй гараашин дээрээс үсэрч тоглодог. Харин том хүмүүс гар, хөлөө гэмтээх вий гэж сэрэмжилдэг.Үүнтэй адил залуу хүмүүс энэ амьдралд ёстой л галзуу барын аманд гараа хийхээс буцахгүй давшилж, зүрх нь булгилж байдаг. Би тэдний ижил хүсэл мөрөөдлөөр жигүүрлэн, бүх зүйлийг гэгээлгээр төсөөлж юунаас ч айж, эмээхийг мэддэггүй тийм л байхыг эрмэлздэг.
-“Boom town” хамтлаг сүүлийн жилүүдэд уран бүтээл хийсэнгүй. Тарсан гэсэн цуурхал гараад байгаа?
-Хүн болгон энэ талаар асуудаг. Бидний амьдралын зорилго жүжигчин болох. Тиймээс бүгд энэ чиглэлээр зам, замаа хөөж, уран бүтээл хийж байгаа. Хамтлаг тарсан ч бид найз хэвээрээ.
-“Камертон-2” шоунд хөтлөг ч хийдэг. Телевизийн шоу хөтлөх ямар байна даа?
-Урьд нь ямар нэг арга хэмжээ хөтөлдөг байсан ч телевизийн нэвтрүүлэг хөтөлж байгаагүй. “Камертон” хамтлагийг сонсох дуртай учраас шоуг нь хөтлөх болсондоо баярласан. Малчин хүн газар зүй, цаг агаар, малын эмчийн мэдлэгийг ямар нэг хэмжээгээр эзэмшсэн байдгийн адил жүжигчин хүнд ямар нэг арга хэмжээ хөтлөх чадвар байх хэрэгтэй.
-Сүүлийн үед ямар уран бүтээл хийхээр ажиллаж байна вэ?
-Богино хэмжээний кино хийх бодол бий. Мөн инээдмийн киноны зохиол бичиж байгаа.
-Кино зохиол бичиж байгаа гэлээ. Цаашид найруулагчийн ажилд хүч үзэхээр шийдсэн юм уу?
-Тийм ээ. Аливаа юм багаас эхлээд яван чангардаг учраас богино хэмжээний киногоор найруулагчийн гараагаа тавих санаа байна. Бодит ажил болоогүй ч уянгын драмын жүжиг бичиж үзсэн.
No comments:
Post a Comment